अलिबाग (प्रतिनिधी): नागाव बुरुड आळीतील जिर्ण अवस्थेतील इमारत ग्रामपंचायतीच्या निधीतून सुमारे ३,५०,००० रुपये खर्च करून नूतनीकरण करण्यात आली. आता ती इमारत आकर्षक आणि सोयीस्कर Community Hall (समाजमंदिर) म्हणून गावकऱ्यांसाठी उपलब्ध झाली आहे.
या नव्या हॉलचे उद्घाटन ग्रामपंचायतीच्या सरपंच सौ. हर्षदा मयेकर यांच्या हस्ते झाले. माजी सरपंच श्री. नंदकुमार मयेकर, सदस्य सौ. मंगल नागे, सौ. प्रियांका काठे, श्री. आदेश मोरे, बुरूड समाज अध्यक्ष श्री. नागे आणि अनेक ग्रामस्थ मोठ्या संख्येने उपस्थित होते.
या हॉलमुळे गावातील सण, कार्यक्रम, सांस्कृतिक आणि शैक्षणिक उपक्रम सोप्या पद्धतीने आयोजित करता येणार आहेत. सरपंच हर्षदा मयेकर यांनी हा हॉल गावाच्या विकासासाठी आणि एकत्र येण्यासाठी उपयोगी ठरेल असे सांगितले. गावकऱ्यांनी या उपक्रमाचे स्वागत करून पुढील कार्यक्रम येथेच साजरे करण्याची इच्छा व्यक्त केली.
