अलिबाग रायगड: मार्ग सेवाभावी संस्थेतर्फे सिंधुरत्न करंडक जिल्हास्तरीय महिला कबड्डी स्पर्धेचे आयोजन करण्यात आले आहे. रायगड जिल्हा कबड्डी असोसिएशनच्या मान्यतेने ४ मे रोजी चिंतामणराव केळकर विद्यालय, चेंढरे – अलिबाग येथे ही स्पर्धा खेळविण्यात येणार आहे.
लस्पर्धेत विजेत्या संघास रोख रुपये १५०००/- व चषक , उपविजेत्या संघास रोख रुपये १००००/- व चषक, तृतीय व चतुर्थ क्रमाक मिळवणाऱ्या संघास रोख रुपये ५०००/ – व चषक, शिस्त बद्ध संघास चषक अशी सांघिक बक्षिसे देण्यात येणार आहेत. स्पर्धेतील सर्वोत्कृष्ट खेळाडू, उत्कृष्ट पकड, उत्कृष्ट चढाई यांच्यासाठी रोख रक्कम व चषक अशी वैयक्ती बक्षिसे देण्यात येणार आहेत.
स्पर्धेत सहभागी होण्यासाठी कोणतेही शुल्क आकारण्यात येणार नाही. प्रथम नोंदणी करणाऱ्या १६ संघाना स्पर्धेत प्रवेश दिला जाईल . स्पर्धेत प्रवेश घेण्याची अंतिम तारीख ३० एप्रिल आहे. ४ मे रोजी सायंकाळी ४.०० वाजता स्पर्धेचे उद्घाटन होईल. स्पर्धेत सहभागी होऊ इच्छिणाऱ्या संघांनी स्पर्धेविषयी अधिक माहिती आणि प्रवेश नोंदणीसाठी प्रकाश सोनवडेकर ९४२११७११७९ , रायगड जिल्हा कबड्डी असोसिएशनचे सहकार्यवाह जे . जे. पाटील ९८२२४२७१०३ यांच्याशी संपर्क साधावा,








