महाड तालुक्यातील धक्कादायक घटना,,,आरोपी पोलिसांच्या ताब्यात…
महाड (रेश्मा माने): महाड तालुक्यात लैंगिक अत्याचाराच्या घटनेत वाढ झाली असून यामध्ये महिला आणि लहान मुली देखील वासनेच्या शिकार बनत आहेत…काल महाड तालुक्यातील एका विभागात १० वर्षीय अल्पवयीन मुलीवर अत्याचार झाल्याची धक्कादायक घटना घडली आहे.हा नराधम एका छोट्या वाडीत सुतारकाम करण्यासाठी गेला होता.त्याने मुलीची आई बौद्धवाडी येथे कामाला गेली आहे व तिचे वडील भोर या ठिकाणी गेले आहेत असे पाहिले आणि मुलगी घरी एकटी असल्याचा फायदा घेत तिच्यावर लैंगिक अत्याचार केले.लैंगिक अत्याचार केल्यानंतर ही घटना कोणाला सांगितलीस तर जीवे ठार मारू अशी धमकी सुद्धा या नराधमाने त्या अल्पवयींन मुलीस दिली.सदर अल्पवयीन मुलीची आरोग्य तपासणी फॉरेन्सिक टीमने करून आणि सत्य घटना पडताळून त्या नुसार महाड एमआयडीसी पोलिस स्टेशनने भारतीय न्याय संहिता कलम ३३२(ख) ३३२(क)३५१(३) सह बालकांचे लैंगिक अपराधापासून संरक्षण अधिनियम २०१२ चे कलम ४,६,८,१० नुसार गुन्हा दाखल झाला आहे ..सदरील बलात्कारी आरोपी सचिन पांडुरंग सुतार या आरोपीला पोलिसांनी ताब्यात घेतले असून महाड उपविभागीय पोलीस अधिकारी शंकर काळे व सहाय्यक पोलीस निरीक्षक जीवनमाने यांच्या मार्गदर्शनाखाली पोलीस उपनिरीक्षक मुंडे या संपूर्ण गुन्ह्याचा अधिक तपास करीत आहेत.
