अलिबाग (प्रतिनिधी): अलिबाग तालुक्यातील प्रसिद्ध नागाव मेन बीच परिसरात दीर्घकाळापासून वाढलेल्या दाट जंगलामुळे नागरिक आणि पर्यटकांना मोठ्या अडचणींना सामोरे जावे लागत होते. या समस्येची दखल घेत स्थानिक समाजसेवक डॉक्टर सचिन राउळ यांनी स्वखर्चाने या परिसरातील काही भागाची साफसफाई करून परिसर स्वच्छ आणि सुरक्षित केला आहे. राउळ यांच्या पुढाकारामुळे बीच परिसराचे सौंदर्य पुन्हा खुलले असून नागरिकांकडून त्यांच्या या उपक्रमाचे कौतुक होत आहे. स्वच्छ आणि आकर्षक नागाव बीच राखण्यासाठी अशा सामाजिक उपक्रमांची गरज असल्याचे मत स्थानिकांनी व्यक्त केले.
