अलिबाग (प्रतिनिधी): अलिबाग तालुक्यातील ताडवागळे ग्रामपंचायत हद्दीतील तळाशेत येथे पाणीपुरवठा योजनेचे भूमिपूजन शिवसेना रायगड जिल्हाप्रमुख राजाभाई केणी यांच्या हस्ते करण्यात आले. या कार्यक्रमास शिवसेना तालुका पदाधिकारी, ग्रामपंचायत सदस्य तसेच तळाशेत गावातील ग्रामस्थ मोठ्या संख्येने उपस्थित होते.
या पाणीपुरवठा योजनेमुळे गावातील नागरिकांना शुद्ध व पुरेशा प्रमाणात पाणी उपलब्ध होणार आहे. पाण्याच्या तुटवड्याने त्रस्त असलेल्या ग्रामस्थांसाठी ही योजना वरदान ठरणार असल्याचे मत ग्रामस्थांनी व्यक्त केले.
जिल्हाप्रमुख राजाभाई केणी यांनी आपल्या भाषणात सांगितले की, गावाच्या सर्वांगीण विकासासाठी शिवसेना कटिबद्ध असून, मूलभूत सोयी-सुविधांच्या उभारणीसाठी सातत्याने प्रयत्न सुरू राहतील. या योजनेच्या माध्यमातून तळाशेत गावाचा विकास वेगाने होईल, असा विश्वास त्यांनी व्यक्त केला.
ग्रामस्थानी शिवसेना जिल्हाप्रमुख राजाभाई केणी चे आभार मानले.









