मुरुड तालुक्यातील पशुसंवर्धन विभागात कार्यरत असलेल्या डॉ. मेघा खवासकर यांचा वाढदिवस उत्साहात साजरा करण्यात आला. आपल्या कार्यतत्परतेने आणि जनावरांच्या आरोग्य सेवेसाठी सदैव तत्पर राहणाऱ्या डॉ. खवासकर यांनी तालुक्यातील पशुपालकांचा विश्वास संपादन केला आहे. त्यांच्या मार्गदर्शनाखाली अनेक लसीकरण मोहिमा, जनजागृती उपक्रम आणि पशुवैद्यकीय शिबिरे यशस्वीरीत्या पार पडली आहेत.
या निमित्ताने सहकारी अधिकारी, ग्रामस्थ व शेतकरी बांधवांनी त्यांना वाढदिवसाच्या हार्दिक शुभेच्छा दिल्या. डॉ. खवासकर यांनी “पशुसंवर्धन ही केवळ सेवा नाही तर जनावरांच्या माध्यमातून ग्रामीण अर्थव्यवस्थेला बळ देणारा महत्त्वाचा घटक आहे,” असे सांगत पुढील काळात अधिक जोमाने कार्य करण्याचा निर्धार व्यक्त केला. त्यांच्या कार्यातून प्रेरणा घेऊन विभागातील कर्मचारी व स्थानिक नागरिकांमध्येही आनंदाचे वातावरण होते.
