अलिबाग (प्रतिनिधी): फलटण येथील उपजिल्हा रुग्णालयातील वैद्यकीय अधिकारी डाॅ. संपदा मुंडे यांच्या आत्महत्या प्रकरणाचा तपास योग्य पद्धतीने करून डाॅ. मुंडे यांना न्याय मिळवून द्यावा यासाठी राज्यभरातील शासकीय वैद्यकीय महाविद्यालयीन विद्यार्थी व डाॅक्टरांतर्फे रविवारी कॅन्डलमार्च काढण्यात आला. अलिबागमध्ये रायगड जिल्हा शासकीय वैद्यकीय महाविद्यालयीन विद्यार्थी व डाॅक्टर्सतर्फे सायंकाळी कॅन्डलमार्च काढण्यात आला.
डॉ. संपदा मुंडे या सातारा जिल्ह्यातील फलटण उपजिल्हा रुग्णालयात कंत्राटी वैद्यकीय अधिकारी म्हणून कार्यरत होत्या. २८ वर्षीय वैद्यकीय अधिकारी डॉ. संपदा मुंडे यांचा एका हॉटेलच्या खोलीत मृतदेह आढळला होता. डाॅ. मुंडे यांच्या आत्महत्याप्रकरणावरून राज्यातील वैद्यकीय क्षेत्रात आवाज उठविला जात आहे. डाॅ. संपदा मुंडे यांच्या आत्महत्या प्रकरणाचा तपास योग्य पद्धतीने करून डाॅ. मुंडे यांना न्याय मिळवून द्यावा यासाठी राज्यभरातील शासकीय वैद्यकीय महाविद्यालयीन विद्यार्थी व डाॅक्टरांतर्फे रविवारी कॅन्डलमार्च काढण्यात आला. अलिबागमध्ये रायगड जिल्हा शासकीय वैद्यकीय महाविद्यालयीन विद्यार्थी व डाॅक्टर्सतर्फे सायंकाळी कॅन्डलमार्च काढण्यात आला. अलिबागमधील जिल्हा शासकीय रुग्णालय ते बालाजी नाका या मार्गावर कॅन्डलमार्च काढण्यात आला. यावेळी शासकीय वैद्यकीय महाविद्यालयाचे विद्यार्थी व डाॅक्टर मोठ्या संख्येने सहभागी झाले होते.
यावेळी जिल्हा शासकीय महाविद्यालयातील मार्टच्या अध्यक्षा डाॅ. अलका मुंडे यांनी सांगितले की, डाॅ. संपदा मुंडे यांच्या आत्महत्या प्रकरणाला ज्या पद्धतीने राजकीय वळण दिले जात आहे, ज्या पद्धतीने तपास केला जात आहे, त्या विरोधात आज येथे कॅन्डलमार्च काढण्यात आला आहे. डाॅ. संपदा मुंडे यांना न्याय मिळण्यासाठी संपूर्ण राज्यात रविवारी कॅन्डलमार्च काढण्यात आले. डाॅ. संपदा मुंडे आत्महत्या प्रकरणात जो तपास सुरु आहे तो, एसआयटीकडे द्यावा. 
न्यायालयात जलदगतीने हा खटला चालवून डाॅ. मुंडे यांना न्याय मिळवून द्यावा. तसेच राज्यातील शासकीय डाॅक्टरांचे मानसिक आरोग्य, त्यांना सेवा देताना येणाऱ्या अनेक अडचणी सोडविल्या जात नाही. डाॅक्टरांच्या समस्या सोडविल्या जात नाहीत. राज्यातील डाॅक्टरांच्या समस्या सोडवाव्यात. डाॅ. संपदा मुंडे यांच्या प्रमाणे कोणत्याही डाॅक्टरवर वेळ येऊ नये, अशी मागणी या कॅन्डलमार्चनिमित्त करण्यात येत असल्याचे डाॅ. अलका मुंडे यांनी सांगितले.
