अलिबाग (प्रतिनिधी): प्रभाकर पाटील एज्युकेशन सोसायटीच्या कला, वाणिज्य आणि विज्ञान ( वेश्वी ) महाविद्यालयातील विद्यार्थी पंकज पांडुळे आणि ध्रु राऊत या विद्यार्थ्यांनी शैक्षणिक वर्ष २०२५-२६ मधे महाराष्ट्रातील विविध महाविद्यालया मार्फत घेण्यात येणाऱ्या अनेक वक्तृत्व स्पर्धेमध्ये महाविद्यालयाला यश मिळवून दिले आहे.
या यशाबद्दल संस्थेच्या कार्यवाह चित्रलेखाताई पाटील यांनी पंकज पांडुळे आणि ध्रु राऊत या विद्यार्थ्यांचे अभिनंदन केले आणि पुढील वाटचालीसाठी शुभेच्छा दिल्या.
तसेच महाविद्यालयाचे संचालक विक्रांत वार्डे, महाविद्यालयाचे प्राचार्य डॉ. ओमकार पोटे, कला शाखाप्रमुख प्रा. नम्रता पाटील, वाणिज्य विभाग प्रमुख डॉ. रसिका म्हात्रे, विज्ञान विभाग प्रमुख प्रा. पूजा पाटील, अंतर्गत गुणवत्ता हमी कक्षाचे समन्वयक प्रा. मिलिंद घाडगे, सांस्कृतिक विभाग प्रमुख प्रा. रुपाली पाटील तसेच महाविद्यालयातील सर्व प्राध्यापक व कर्मचारी यांनी पंकज आणि ध्रु या विद्यार्थ्यांनी मिळवलेल्या यशाबद्दल कौतुक करून भावी आयुष्यासाठी शुभेच्छा दिल्या.









