रोहा (प्रतिनिधी) : आज रोहा नगरपालिकेच्या देशमुख सभागृह येथे जिल्हा परिषद निवडणुकीत विजयी झालेल्या सदस्यांच्या उपस्थितीत आदरणीय उपमुख्यमंत्री सुनेत्रा पवार यांचा भव्य सत्कार सोहळा पार पडला. या कार्यक्रमाचे आयोजन स्थानिक पदाधिकारी व कार्यकर्त्यांच्या वतीने करण्यात आले होते.
यावेळी रायगड जिल्हा परिषद सदस्य तथा मुख्य प्रतोद मा. अमितदादा नाईक यांनी सुनेत्रा वहिनी पवार यांचे पुष्पगुच्छ व शाल देऊन स्वागत केले. कार्यक्रमात जिल्हा परिषदेमध्ये निवडून आलेल्या सर्व सदस्यांनीही त्यांचा सत्कार करून शुभेच्छा दिल्या.
सभागृहात मोठ्या संख्येने कार्यकर्ते, पदाधिकारी व नागरिक उपस्थित होते. कार्यक्रमादरम्यान विकासकामे, जनतेच्या अपेक्षा आणि आगामी योजनांवर चर्चा करण्यात आली. सुनेत्रा पवार यांनी उपस्थितांशी संवाद साधताना सर्वसामान्य नागरिकांच्या प्रश्नांना प्राधान्य देत विकासाची गती अधिक वाढविण्यासाठी कटिबद्ध असल्याचे सांगितले.
संपूर्ण कार्यक्रम उत्साहपूर्ण वातावरणात पार पडला असून उपस्थितांनी घोषणाबाजी करत नेतृत्वावर विश्वास व्यक्त केला.
यावेळी राष्ट्रवादी काँग्रेसच्या राष्ट्रीय अध्यक्षा आणि उपमुख्यमंत्री श्रीमती सुनेत्रा अजित पवार, राष्ट्रवादी काँग्रेसचे प्रदेशाध्यक्ष खासदार सुनिल तटकरे, महिला व बालविकास मंत्री अदितीताई तटकरे, माजी आमदार अनिकेत तटकरे, रायगड जिल्हाध्यक्ष सुधाकर घारे, अल्पसंख्याक महामंडळाचे अध्यक्ष मुश्ताक अंतुले, जिल्हा परिषद उपाध्यक्ष मधुकर पाटील, सभापती विजया बाशिलकर, महाड येथील पक्षाच्या नेत्या स्नेहल जगताप, रोहा – अष्टमी नगर परिषदेच्या नगराध्यक्षा वनश्री शेडगे आदींसह पक्षाचे पदाधिकारी व कार्यकर्ते आणि जिल्ह्यातील वरीष्ठ अधिकारी उपस्थित होते.
