अलिबाग रायगड : राष्ट्रीय केमिकल अँड फर्टीलायझर्स (आरसीएफ) लिमिटेड, थळ यांच्यातर्फे अलिबाग प्रेस असोसिएशनच्या सहकार्याने कामगार स्मृती चषक जिल्हास्तरीय आदिवासी कबड्डी स्पर्धेचे आयोजन करण्यात आले आहे. १ मे २०२५ रोजी आरसीएफ वसाहत, कुरुळ येथील क्रीडासंकुलात ही स्पर्धा खेळविण्यात येणार आहे.
स्पर्धेत विजेत्या संघास रोख रुपये २५०००/- व चषक , उपविजेत्या संघास रोख रुपये १५०००/- व चषक, तृतीय व चतुर्थ क्रमाक मिळवणाऱ्या संघास रोख रुपये १००००/ – अशी सांघिक बक्षिसे देण्यात येणार आहेत. स्पर्धेतील सर्वोत्कृष्ट खेळाडू, उत्कृष्ट पकड, उत्कृष्ट चढाई यांच्यासाठी रोख रक्कम व चषक अशी वैयक्ती बक्षिसे देण्यात येणार आहेत. आरसीएफ थाळचे कार्यकारी संचालक नितीन हिरडे यांच्या हस्ते स्पर्धेचे पारितोषिक वितरण करण्यात येईल.
स्पर्धेत सहभागी होण्यासाठी केवळ २०/- रुपये नोंदणी शुल्क आकारण्यात येणार आहे. एका आदिवासी पाड्यातील , वाडीतील एकच संघ स्पर्धेसाठी पात्र असेल. प्रथम नोंदणी करणाऱ्या ६४ संघाना स्पर्धेत प्रवेश दिला जाईल . स्पर्धेत सहभागी होऊ इच्छिणाऱ्या आदिवासी संघानी आपले प्रवेश अर्ज २७ एप्रिलपर्यंत आर सी एफ वसाहत, कुरूळ येथील क्रीडा कार्यालय किंवा वाचनालय येथे जमा करावेत. स्पर्धेविषयी अधिक माहिती आणि नोंदणीसाठी आरसीएफचे पांडुरंग सोनार ८८०५०८०२३२ यांच्याशी संपर्क साधावा, असे आवाहन आर सी एफ प्रशासनाने केले आहे.
