रायगडमध्ये २९ मार्चपासून ‘नो हेल्मेट, नो राईड’ मोहीम सुरू

शनिवार-रविवार तसेच सुट्ट्यांच्या दिवशी रायगडमध्ये मोठ्या प्रमाणावर पर्यटक दाखल होतात. अनेक पर्यटक दुचाकीवर फिरताना हेल्मेटचा वापर करत नाहीत. याचबरोबर स्थानिक नागरिकांमध्येही हेल्मेट न वापरण्याची प्रवृत्ती दिसून येत आहे. परिणामी अपघातांमध्ये मृत्यूचे प्रमाण वाढत असल्याची गंभीर बाब समोर आली आहे.

महाराष्ट्र पोलिस मुख्यालय, मुंबई यांनी राज्यातील अपघातांचे प्रमाण २० टक्क्यांनी कमी करण्याचे निर्देश दिले आहेत. त्यानुसार रायगड जिल्ह्यातील अपघातांचा आढावा घेतला असता, हेल्मेट न वापरल्यामुळे डोक्याला गंभीर दुखापत होऊन मृत्यू झालेल्यांची संख्या लक्षणीय असल्याचे स्पष्ट झाले आहे.

ही वाढती आकडेवारी लक्षात घेता, जिल्हा वाहतूक शाखेकडून विशेष मोहीम हाती घेण्यात आली आहे. या मोहिमेअंतर्गत राष्ट्रीय महामार्ग आणि प्रमुख रस्त्यांवर विशेष तपासणी नाके उभारण्यात येणार आहेत.

जिल्हा पोलिस अधीक्षक कार्यालयाकडून नागरिकांना आवाहन करण्यात आले आहे की,

पोलिस प्रशासनाने स्पष्ट केले आहे की, अपघात हे अंतर पाहून होत नाहीत, त्यामुळे स्वतःच्या सुरक्षिततेसाठी हेल्मेटचा वापर करणे ही प्रत्येक नागरिकाची जबाबदारी आहे.