अलिबाग (प्रतिनिधी) : राष्ट्रवादी काँग्रेस पक्षाच्या अलिबाग येथील पक्ष कार्यालयात मतदारसंघातील विकासकामांचा आढावा, आगामी विकास आराखडा तसेच विविध नवीन विकासकामांच्या मंजुरीसंदर्भात पक्षाच्या पदाधिकाऱ्यांची महत्त्वपूर्ण बैठक उत्साहपूर्ण वातावरणात पार पडली. बैठकीत विकासकामांचा वेग कायम राखत जनतेच्या अपेक्षा पूर्ण करण्यासाठी समन्वयाने कार्य करण्याचा निर्धार व्यक्त करण्यात आला.
बैठकीच्या प्रारंभी मतदारसंघात सुरू असलेल्या विविध विकासकामांच्या प्रगतीचा सविस्तर आढावा घेण्यात आला. विविध प्रकल्पांची सद्यस्थिती, प्रलंबित कामे आणि त्यांना गती देण्यासाठी आवश्यक उपाययोजनांवर सखोल चर्चा करण्यात आली. आगामी काळात राबविण्यात येणाऱ्या विकासकामांचे नियोजन करताना नागरिकांच्या गरजा आणि लोकहिताला प्राधान्य देण्यावर विशेष भर देण्यात आला.
यावेळी पायाभूत सुविधा, सार्वजनिक सोयी-सुविधा, ग्रामविकास तसेच मतदारसंघाच्या सर्वांगीण विकासासाठी नवीन कामांच्या प्रस्तावांवर चर्चा करण्यात आली. शासन स्तरावर विविध विकासकामांना मंजुरी मिळवून ती निर्धारित कालावधीत पूर्ण करण्यासाठी सर्व पदाधिकाऱ्यांनी सक्रियपणे प्रयत्न करण्याचे आवाहन करण्यात आले.
बैठकीत पक्ष संघटना अधिक सक्षम आणि प्रभावी करण्याच्या दृष्टीनेही महत्त्वपूर्ण चर्चा झाली. प्रत्येक पदाधिकारी व कार्यकर्त्यावर जबाबदाऱ्या निश्चित करण्यात आल्या असून, बूथस्तरापासून पक्षाची संघटनात्मक ताकद वाढविण्यासाठी नियोजनबद्ध पद्धतीने काम करण्याचा निर्णय घेण्यात आला. जनतेशी सातत्याने संपर्क ठेवून त्यांच्या समस्या जाणून घेणे आणि त्या सोडविण्यासाठी तत्पर राहण्याचेही आवाहन करण्यात आले.
या बैठकीस रायगड जिल्हा परिषद सदस्य तथा राष्ट्रवादी काँग्रेस पक्षाचे मुख्य प्रतोद अमितदादा नाईक, तालुका अध्यक्ष जयेंद्र भगत, रायगड जिल्हा सरचिटणीस चारूदादा मगर, हर्षलदादा पाटील, ऋषिकांत भगत, श्रीधरजी भोपी, सुशीलजी पाटील, वैभव पाटील, हेमानाथ खरसांबळे तसेच पक्षाचे पदाधिकारी, नेते आणि कार्यकर्ते मोठ्या संख्येने उपस्थित होते.
बैठकीच्या शेवटी विकासकामांचा वेग कायम ठेवत जनतेच्या विश्वासाला पात्र ठरण्यासाठी आणि पक्ष संघटना अधिक बळकट करण्यासाठी सर्वांनी एकजुटीने व समन्वयाने कार्य करण्याचा निर्धार व्यक्त केला.
